HELLO, 我回來了!

一個月的實習完成了, 這次實習感覺非常好, 超感謝兩位原任老師的教導! 他們不像中大的 prof 般, 只是批評人家做得不好, 而會提出可行的方法給我參考. 原來 high order question 不是單單問一兩條問題就可以做到, 而要從整個課程設計著手, 不是從課本找問題問學生, 而是通過生活實例, 科學實驗等等材料引導學生去問去諗. 不過一般學生都未能夠一時間諗到e d 問題既答案, 所以還是留待家課, project 等方式完成. 原任老師真係有很多創新的教學法, 而且沒有因為學生能力低而降低要求, 這點令我十分佩服.

第一次俾 prof 鬧到喊, "喊" 係因為我不憤氣. 為甚麼 prof 覺得對的東西, 我就要照著做? "student-centered learning", 是繼 "high order question" 之後, 我最討厭的詞彙. 如果學生不想上堂讀書, 個心飛左去太空, 咁 student 個 center 係d咩? 還有, 教學法有很多種, 有其優點缺點, 我們不是要按照學生的特質, 選取適合的教學法嗎? 可能我仲未諗通當中的真諦... 但 prof 只係坐起個課室 20 分鐘左右, 豈不是又只套用冷冰冰的標準批評我!

睇完堂之後真係傷心到唔想再教落去, 拿拿林去 jijis 搵其他工. 喊到豬頭既時候仲要俾原任老師見到, 幸好佢地提醒我, 經驗要一點一點咁去累積. 實習最尾個星期, 仲讚我有進步~ 真係好安慰!

至於學生方面, 佢地真係俾晒面! 雖然訓覺, 講野, 吃野, 打機, 做其他野樣樣有齊, 但未有向我爆過粗, 仲會同我講下笑. 有次原任老師睇堂時, 我將 "尿糖試紙" 寫做 "屎糖試紙", 竟然由全班最串嘴o既同學提醒我, 仲冇爆俾其他同學知 (因為當時個黑板俾 projector 既 screen 遮住, 我又未拉起個 screen, 其他同學顧住做 class work, 只有那個同學o既角度可以望到). 小朋友都係心地善良, 只係貪玩同懶散. 所以我都未試過發火鬧佢地. 有時間想同佢地相處耐d, 再教佢地多d.

實習完結, 要開始搵工, 不過個市好淡, 唔知搵唔搵到...

不知道是忙, 還是懶, 總是不想寫 blog...
下星期開始下學期的教學實習, 是一間 band 3 中學. 今次是我自願選擇的, 就當是給自己的考驗吧! 其實上次實習教得都唔係好, 所以今次 "本死無大害", 死就死啦!
同 prof. 再傾番d表現時, 佢仍然話我 questioning skill 唔好... 叫我諗下方法改善... 老實講啦, 教書就教書啦, d同學明就會明, 有心答你問題就會開口答, 有不明o既就自己返屋企睇到明, 如果懶而唔去睇, 就算你逼佢睇, 佢都記唔入腦啦... 你估個個學生都咁有學校動機, 上堂舉手答問題, 或者咁有心機聽老師引導同啟發咩... 我以前讀書都係得個聽字, 有唔明就同學人問老師, 咪又係咁讀上到. (勁多冤氣...)
講返實習, 之前去那間學校觀了兩次課, 覺得原任老師教得好好, 班學生都肯聽佢講書咁, 所以我應該要向佢多多學習. 不過個原任好"衰". 有事請教佢時, 佢就會話"你教兩堂試下先啦, 等你教完話俾你聽我點教!" 不過都知道佢係為我好, 想俾我試下, 由自己既體驗去掌握到技巧!
到而家先得兩間學校出 post 請 08-09年既 biology 教職, 仲要起上水同屯門咁遠, 查完地圖, 仍然唔知應該點樣去... 個心又開始有d動搖, 想搵其他行業o既工作. 不知道啊, 如果自己教書教得差, 就唔好誤人子弟喇~
同埋呢, 除左做功課同實習, 因為屋企有d事 (唔係白事, 放心~), 所以4 - 5月都會比較忙. 有時心思思想整o野食添~

失蹤了整個月, 因為返學同補習都非常忙~
現在總算好一點, 因為PGDE開始放假, for 預備四月實習同做 assignment.
星期六早上的補習班完結了, 下午的私人補習俾個家長炒了~
所以星期六就可以重回製作甜品的行列!

情人節快樂!

d時間好似好唔"見洗"咁, 眨下又一日, 又一日, 又一日... 但又唔知道自己做左d咩...
媽媽話我而家過緊 "半退休的讀書生活", 原來讀 undergrad + pgde 真的令人頹廢下來!
返學放學, 去補習, 有心情就整下d教材, 覺得累就上陣網, hea下就算~
諗起就黎到 march , 要寄信去搵教席就好煩惱! 封 covering letter 應該點寫好呢?
成日補習... 補到冇晒新意... 本來好享受在母校 hold supplementary class, 但而家又沒有心機備課. 因為再諗唔到d有新意既問題去刺激學生... 結果問來問去都係o個d "describe the process of transpiration", "fate of ovaries, ovules and ova in flowering plants", what is sister chromatid, homologous chromosome"... 之前印左份 misconception exercise 俾學生做, 但佢o地話太深唔識做要我講答案.... 唯有再諗下有咩教啦...

到連整完o野食都唔想post上blog...

好睇唔好食的 lemon pie

第一次整 pineapple tart , 幾好味呀~